ПРЕПОРАКИ НА ЦИВИЛ ДО ВЛАДАТА НА РЕПУБЛИКА МАКЕДОНИЈА

Според нашите сознанија и анализи засновани на искуството и работата во доменот на контролата на оружјето во изминатите 13 години истакнуваме дека:

-          влошувањето на состојбата на човековите права, демократијата и владеењето на правото; култот кон оружјето; растечката социјална несигурност; политичките турбуленции и радикализацијата на меѓуетничките односи; падот на довербата на граѓаните кон државните институции (полиција, судови итн.)

се сериозни мотиви за граѓаните да поседуваат оружје, без оглед на тоа дали е легално или нелегално.

Освен статистиките за поседувањето, вознемирувачки е фактот дека во пораст е и подготвеноста тоа оружје да се употреби.

Затоа, ние до Владата на Република Македонија ги доставуваме следните

ПРЕПОРАКИ

1. Воведување итни мерки и градење долгорочни стратегии за:
• јакнење на довербата меѓу граѓаните и институциите што првенствено се постигнува преку почитување на човековите права, демократијата и владеењето на правото;
• за јакнење на довербата меѓу етничките заедници.
2. Континуирани акции за јакнење на јавната свест и едукација за ризици од оружјето и оруженото насилство.
3. Подобрување на легислативата за контрола на оружјето и нејзина хармонизација со другите закони и регулативи.
4. Заострување на критериумите за поседување и носење огнено оружје, како и на казнените одредби за злоупотреби и кршење на законот за
• општата популација;
• професионалните структури (полицијата, армијата и другите професионални структури под контрола на државата, владата и локалните власти);
• агенциите за обезбедување.
5. Нова амнестија за доброволно предавање на оружјето со вклучена развојна компонента.
6. Вклучување на граѓански организации со соодветни мандати и програми во сите сегменти, а во согласност и со препораките за соработка со граѓанското општество.

Во пресрет на Конференцијата на ОН

Во пресрет на Конференцијата на ОН посветена на Спогодбата за трговија со оружјето во јули, ја поддржуваме Владата во определбата да се поддржи оваа глобална спогодба безрезервно и според препораките на Control Arms и IANSA. Владата на Република Македонија веќе го поддржа почетокот на процесот за Спогодбата и застана на страната на над 150 држави во светот кои го поддржуваат овој процес.

Воедно, на Владата на РМ и Делегацијата на РМ во ОН им нудиме дополнителни брифинзи и експертска поддршка во врска со овој процес, како и за другите прашања и теми поврзани со контролата на оружјето. 

RECOMMENDATIONS TO THE GOVERNMENT OF THE REPUBLIC OF MACEDONIA

According to our findings and analysis based on experience and work in the field of arms control in the past 13 years, we point out that:

-          deterioration of human rights, democracy and rule of law; gun culture;

-          growing social insecurity and political turbulence

-          radicalization of interethnic relations;

-          decline of citizen’s confidence in the state institutions (police , judiciary, etc.)

are serious motivation for citizens to possess weapons, regardless of whether it is legal or illegal.

Furthermore, apart from the statistical data and estimates on possession, it is an alarming fact that readiness to use weapons is on the rise.

Therefore, we call upon the Government of the Republic of Macedonia with the following

RECOMMENDATIONS

1.       Introduction of both immediate measures and building long-term strategies on:

a.       strengthening of trust between citizens and institutions primarily achieved through respect for human rights, democracy and the rule of law;

b.      measures on confidence building between ethnic communities.

2.       Continuous awareness-raising actions and risk education on arms control issues.

3.       Improve legislation on gun control and its harmonization with other laws and regulations, with EU and international standards.

4.       Harden the criteria for possession and carrying of firearms, and the penalty provisions for abuses and violations of law for:

a.       general population;

b.      professional structures (police, army and other professional structures under the control of state government and local authorities);

c.       private security agencies.

5.       New amnesty for voluntary surrender of illegal weapons, which will include a developmental component.

6.       Involvement of civil society organizations with relevant mandates and programs in all segments, which is in accordance with the EU recommendations and national legislation for transparency and cooperation with civil society.

The United Nations Diplomatic Conference on the Arms Trade Treaty 
Ahead of the United Nations Diplomatic Conference on the Arms Trade Treaty that will be taking place July 2-27 at the UN Headquarters in New York City, we call upon the Government of The Republic of Macedonia to provide unreserved support for the Arms Trade Treaty. The Macedonian government has already expressed its support the start of the ATT process, and stood next to over 150 states in the world that support this process.
Furthermore, we offer additional briefings and expert support to the Macedonian Government and the Macedonian Delegation to the UN on the ATT process, as well as other issues and themes related to arms control.

ARMS FREE MACEDONIA!

SPEAK OUT CAMPAIGN

Global Week of ActionAgainst Gun Violence
is a global initiative of IANSA

Civil held a press conference marking the beginning of the Global Week of Action Against Gun Violence, yesterday in the NGO InfoCenter. Civil’s representatives Xhabir Deralla and Kristina Trajanovska presented alarming facts on proliferation of weapons and gun violence in worldwide and in Macedonia. They also spoke on the circulation of illegal weapons and gun culture in the country, promoting the slogan “Arms Free Macedonia”.

Civil’s representatives briefly presented their analysis on the motives for arms possession among the population in Macedonia, based on the 11-year-long experience of the organization in the arms control domain.

Results from the Parliamentarian Declaration campaign for support of the global Arms Trade Treaty, which was signed by 87 Members of the Macedonian Parliament. The remaining parliamentarians were publicly invited to sign the Declaration during this week.

These information and analysis led to the set of recommendations to the Government of the Republic of Macedonia about taking short and long term steps towards overcoming of arms related challenges in the country. The recommendations include organizing new amnesty for voluntary surrender of illegal weapon, incorporating a developmental component in that action.

Civil appeals to the citizens to restrain from celebratory firing during the coming season of family festivities. At the end of the press conference, Civil presented its program of activities during the Global Week of Action, including the online and offline SPEAK OUT petition of Control Arms. Civil organizes an evening event on Wednesday, June 13, beginning 21:00 in the Menada Club (Skopje Old Town).

________

Civil is a member organization of the International Action Week on Small Arms (IANSA) and of the global Control Arms coalition. Arms control, next to the human rights, peace and tolerance, is one of the main programmatic commitments of Civil in the Annual Program and the long-term Strategy of the Organization. The Annual Program of Civil is supported by the Civica Mobilitas Programme, financed by the Swiss Agency for Development and Cooperation (SDC), implemented by the Center for Institutional Development (CIRa). 

МАКЕДОНИЈА БЕЗ ОРУЖЈЕ!

Цивил одржа прес конференција по повод започнувањето на Глобалната недела на акција против оруженото насилство вчера во НВО Инфо Центар. Пред присутните новинари, претставниците на Цивил, Џабир Дерала и Кристина Трајановска презентираа алармантни податоци за присуството на оружјето и оруженото насилство во светот и во Македонија. Тие говореа и за распространетоста на нелегалното оружје и култот кон оружјето во општеството, промовирајќи го слоганот „Македонија без оружје!“.
Се презентираа и резултатите од кампањата Парламентарна Декларација за поддршка на глобалната Спогодба за трговија со оружјето која ја потпишаа рекордни 87 пратеници во Собранието на Република Македонија. Се упати и покана до преостанатите пратеници да ја потпишат Декларацијата во текот на оваа недела.
Претставниците на Цивил накратко ја изнесоа и анализата за мотивите за поседување на оружјето кај населението во Македонија, заснована на 11 годишното искуство на организацијата во доменот на контролата на оружјето.

Од овие податоци и анализи произлегуваат и препораките на Цивил до Владата на Република Македонија за преземање краткорочни и долгорочни чекори за надминување на проблемот со оружјето во земјата. Во препораките спаѓа и организирање на нова амнестија за доброволно предавање на оружјето со развојна компонента. 

Цивил апелира и до граѓаните да се воздржат од славеничкото пукање во пресрет на сезоната на семејни прослави. На крајот, Цивил ја претстави и својата програма на активности во текот на Глобалната недела на акција, од која се издвојуваат online и offline петицијата на Control Arms SPEAK OUT,  како и вечерниот настан в среда, 13 јуни, во клуб Менада (Стара Скопска Чаршија), со почеток во 21 часот. 

_________

Цивил е организација членка на Меѓународната акциона мрежа за малото оружје како и на глобалната коалиција Control Arms. Контролата на оружјето, покрај човековите права, мирот и толеранцијата, е една од основните програмски заложби на Цивил во Годишната програма и долгорочната Стратегија на организацијата. Годишната програма на Цивил е поддржана во рамките на Програмата Civica Mobilitas, финансирана од Швајцарската агенција за развој и соработка (СДЦ), имплементирана од Центар за институционален развој (ЦИРа)

ЗАПОЧНУВА ГЛОБАЛНАТА НЕДЕЛА ПРОТИВ ОРУЖЕНОТО НАСИЛСТВО

Меѓународната акциона мрежа за малото оружје (International Action Network on Small Arms - IANSA) е глобално движење против оруженото насилство, поврзувајќи ги организациите на граѓанското општество кои работат на сопирање на распространувањето и злоупотребата на малото и лесно оружје.
ИАНСА ги поддржува напорите да се подобри безбедноста на луѓето преку редукција на побарувачката за оружје, унапредувајќи ги регулативите за оружјето и засилувањето на контролата на трансферите со оружје.
Преку истражувања, застапување и кампањи, организациите членки на ИАНСА промовираат локални, национални, регионални и глобални мерки за подобрување на човековата безбедност.
Една од најстарите иницијативи на ИАНСА, Глобалната недела на акција против оруженото насилство оваа (2012-та) година ќе се одржи од 11 до 17 јуни. Секоја година, активистите на граѓанските организации, неформални граѓански групи и поединци од целиот свет се приклучуваат на оваа глобална акција, манифестирајќи ја силата на глобалното движење против оруженото насилство.

Цивил, како долгогодишна членка на ова глобално движење, ја одбележува Глобалната недела на акција од 2002 година. Оваа активност е дел од Годишната програма на Цивил која е поддржана во рамките на Програмата Civica Mobilitas, финансирана од Швајцарската агенција за развој и соработка (СДЦ), а имплементирана од Центарот за институционален развој (ЦИРа). 

Цивил ќе ја започне Глобалната недела на акција со прес конференција во НВО Инфо Центар в понеделник, 11 јуни, со почеток во 11 часот, на која пред новинарите ќе ги презентира најновите информации, ставови и програмата на активности во доменот на контролата на оружјето во Република Македонија и во светот. „Македонија без оружје“ е еден од слоганите на овогодишните активности на Цивил во рамки на оваа глобална кампања.
На прес конференцијата во организација на Цивил накратко ќе бидат презентирани резултатите од Кампањата Парламентарна декларација, ќе се претстави Кампањата Проговори! (SPEAK OUT), како и неколку основни информации за Конференцијата на ОН посветена на Спогодбата за трговија со оружјето.
Исто така, претставниците на Цивил ќе се осврнат на состојбите во доменот на контролата на оружјето во Република Македонија и ќе презентира неколку препораки за подобрување на состојбите во оваа сфера.