 |
Почитувани дами и господа Пратеници,
Ве потсетуваме дека во тек е потпишувањето на ГЛОБАЛНА ПАРЛАМЕНТАРНА ДЕКЛАРАЦИЈА ЗА СПОГОДБА ЗА ТРГОВИЈА СО ОРУЖЈЕ со рок на потпишување до понеделник, 2 април. Декларациите Ви се доставени на 27 март преку Координаторите на парламентарните групи, односно директно на пратениците кои не се во парламентарни групи. Декларациите се пропратени со писмо во кое се објаснува суштината на оваа кампања, а доколку Ви се потребни повеќе информации, Ве молиме, обратете се до нашата канцеларија или кликнете на блогот специјално креиран за потребите на оваа кампања.
Воедно, до медиумите уште еднаш ги доставивме сите материјали кои се однесуваат на оваа кампања, со надеж дека ќе објават информации и содржини во врска со оваа глобална акција.
Со својот потпис и активно залагање во доменот на контролата на оружјето, македонските парламентарци придонесуваат кон јакнење на безбедноста и сигурноста на своите гласачи. Со оваа акција на глобално и национално ниво се дава голем и конкретен придонес и кон почитувањето на човековите права и слободи, како и кон развојот воопшто.
Срдечен поздрав,
Тимот на Цивил
ПОВЕЌЕ ИНФОРМАЦИИ ТУКА:
No comments:
Post a Comment